అభిరామ్ ఎంట్రీపై క్లారిటీ ఇచ్చిన సురేశ్ బాబు

రానా సోదరుడు అభిరామ్ త్వరలో హీరోగా ఎంట్రీ ఇవ్వనున్నట్టుగా ఆ మధ్య వార్తలు వచ్చాయి. ఆయన ఎంట్రీ ఎప్పుడు జరుగుతుందా అనే ఆసక్తి దగ్గుబాటి అభిమానులలో వుంది. ఈ నేపథ్యంలోనే 'అసురన్' రీమేక్ లో ఆయన కనిపించనున్నట్టు కొన్ని రోజులుగా ఒక టాక్ వినిపిస్తోంది. వెంకటేశ్ కథానాయకుడిగా 'అసురన్' రీమేక్ ను రూపొందించడానికి చకచకా సన్నాహాలు జరుగుతున్నాయి.

ఈ సినిమాలో వెంకటేశ్ చిన్న కొడుకుగా అభిరామ్ పరిచయం కానున్నాడనే ప్రచారం జరుగుతోంది. ఈ నేపథ్యంలో ఈ విషయంపై సురేశ్ బాబు క్లారిటీ ఇచ్చారు. ఈ సినిమా ద్వారా అభిరామ్ ను పరిచయం చేసే ఉద్దేశం లేదనీ, సోలో హీరోగానే అభిరామ్ ను పరిచయం చేయడం జరుగుతుందని చెప్పారు. ప్రస్తుతం అభిరామ్ నటనలో శిక్షణ తీసుకుంటున్నాడని అన్నారు. మొత్తానికి అభిరామ్ ఎంట్రీకి రంగం సిద్ధమవుతుందన్న మాట.