వైరల్ అవుతున్న సల్మాన్ ఖాన్, సుస్మితా సేన్ ల డ్యాన్స్.. వీడియో చూడండి

బాలీవుడ్ స్టార్ సల్మాన్ ఖాన్ నిన్న 53వ పుట్టినరోజు జరుపుకున్నాడు. ఈ సందర్భంగా బర్త్ డే సెలబ్రేషన్స్ ను ఓ రేంజ్ లో నిర్వహించాడు. ఇండస్ట్రీకి చెందిన పలువురు సెలబ్రిటీలు ఈ పార్టీకి తరలి వచ్చారు. పార్టీకి వచ్చిన వారిలో కత్రినా కైఫ్, సోనాక్షి సిన్హా, జాక్వెలిన్ ఫెర్నాండెజ్, మౌనీ రాయ్, బాబీ డియోల్, జహీర్ ఇక్బాల్, అర్భాజ్ ఖాన్, సొహైల్ ఖాన్, అతుల్ అగ్నిహోత్రి తదితరులు ఉన్నారు.

ఈ సందర్భంగా సల్మాన్ తో కలసి సుస్మితా సేన్ చేసిన డ్యాన్స్ అందరినీ ఉర్రూతలూగించింది. ఈ వీడియోను ఆమె ఇన్ స్టాగ్రామ్ ద్వారా షేర్ చేసింది. 'మాకు డ్యాన్స్ చేసే అవకాశాన్ని జీవితం ఎప్పుడు కల్పించినా... మేము డ్యాన్స్ చేస్తాం. మంచి హృదయం ఉన్న సల్మాన్ కు జన్మదిన శుభాకాంక్షలు. నిన్ను ఎప్పటికీ అభిమానిస్తుంటాననే విషయం నాకు తెలుసు' అంటూ కామెంట్ పెట్టింది. ప్రస్తుతం ఆ వీడియో సోషల్ మీడియాలో వైరల్ అవుతోంది. సల్మాన్, సుస్మితలు 'బీవీ నెంబర్ 1', 'మైనే ప్యార్ క్యో కియా' సినిమాల్లో కలసి నటించారు.