ఆధునిక ఆంధ్ర చరిత్ర ఎన్టీఆర్: నందమూరి బాలకృష్ణ
- ఎన్టీఆర్ వారసుడిని కావడం నా పూర్వజన్మ సుకృతం
- వ్యాపారం కోసం ఈ బయోపిక్ తీయలేదు
- ‘ఎన్టీఆర్’ ను ఇతర భాషల్లోకీ డబ్బింగ్ చేస్తాం
ఈ కార్యక్రమాన్ని మొదట నిమ్మకూరులో నిర్వహిద్దామనుకున్నామనీ, కానీ, వాతావరణ పరిస్థితుల కారణంగా ఇక్కడ నిర్వహిస్తున్నామని అన్నారు. ఈ బయోపిక్ ను సకుటుంబ సమేతంగా చూడాలని, ఈ దీనిని ఇతర భాషల్లోకీ డబ్బింగ్ చేస్తామని చెప్పారు. ఎన్టీఆర్ బయోపిక్ ని వ్యాపారం కోసం తీయలేదని, ఈ బయోపిక్ తీయాలని రాసిపెట్టి ఉంది కాబట్టే తీశానని, ఎన్టీఆర్ ని బాలకృష్ణ ఆలోచనలో ఎలా ఉంటారో దర్శకుడు క్రిష్ చూపించారని అన్నారు.
ఈ బయోపిక్ రెండు భాగాలు పూర్తయ్యాయని, నటీనటులు, సాంకేతిక నిపుణులు ఎంతో కష్టపడ్డామని చెప్పారు. ఈ బయోపిక్ లో తన తల్లి పాత్రను పోషించిన విద్యాబాలన్ కు ధన్యవాదాలు తెలియజేస్తున్నానని అన్నారు. గౌతమీ పుత్ర శాతకర్ణి చిత్రం ద్వారా తన తల్లి రుణం తీర్చుకున్నానని, ‘ఎన్టీఆర్’ బయోపిక్ ద్వారా తండ్రి రుణం కూడా తీర్చుకున్నట్టయిందని బాలకృష్ణ అన్నారు.
