'దేవ్' ఫస్టు లుక్ తో అదరగొట్టేస్తోన్న కార్తీ

విభిన్నమైన కథలకు ప్రాధాన్యతనిచ్చే కార్తీ, తన తాజా చిత్రంగా 'దేవ్' చేస్తున్నాడు. రజత్ శంకర్ దర్శకత్వం వహిస్తోన్న ఈ యాక్షన్ డ్రామాలో కథానాయికగా రకుల్ నటిస్తోంది. ఇప్పటికే కీలకమైన సన్నివేశాల చిత్రీకరణను పూర్తిచేశారు. తాజాగా ఈ సినిమా నుంచి కార్తీ ఫస్టులుక్ పోస్టర్ ను రిలీజ్ చేశారు.

రేసింగ్ బైక్ దగ్గర హెల్మెట్ పట్టుకుని .. యాక్షన్ లోకి దిగడానికి సిద్ధంగా వున్నట్టుగా తీక్షణమైన చూపులతో కార్తీ కనిపిస్తున్నాడు. నిక్కీ గల్రాని మరో కథానాయికగా నటిస్తోన్న ఈ సినిమాలో ప్రకాశ్ రాజ్ .. రమ్యకృష్ణ కీలకమైన పాత్రలను పోషిస్తున్నారు. హారిస్ జైరాజ్ సంగీతాన్ని సమకూర్చిన ఈ సినిమాను, డిసెంబర్లో విడుదల చేయనున్నారు. గతంలో కార్తీ .. రకుల్ కాంబినేషన్లో వచ్చిన 'ఖాకీ' ఘన విజయాన్ని అందుకుంది. అందువలన 'దేవ్' పై అందరిలోనూ ఆసక్తి వుంది. మరోసారి ఈ జంట హిట్ కొడుతుందేమో చూడాలి.