'దృశ్యం' దర్శకుడికి ఓకే చెప్పిన కార్తి

మలయాళంలో ఆ మధ్యకాలంలో వచ్చిన చెప్పుకోదగిన సినిమాలలో 'దృశ్యం' ఒకటి. దర్శకుడిగా ఈ సినిమా జీతూ జోసెఫ్ కి మంచి క్రేజ్ తీసుకొచ్చింది. ఈ సినిమా తమిళ వెర్షన్ కి కూడా ఆయనే దర్శకుడిగా వ్యవహరించాడు. ఇక తెలుగులోను ఈ సినిమా ఘన విజయాన్ని సాధించిన సంగతి తెలిసిందే. అలాంటి జీతూ జోసెఫ్ తమిళంలో మరో సినిమా చేయడానికి రెడీ అవుతున్నాడు.

రీసెంట్ గా ఆయన ఒక ఆసక్తికరమైన కథను సిద్ధం చేసుకుని కార్తికి వినిపించాడట. కార్తికి ఆ కథ నచ్చడంతో, త్వరలోనే సెట్స్ పైకి వెళ్లడానికి అవసరమైన సన్నాహాలు చేసుకుంటున్నారు. ఈ సినిమాకి సూర్య కూడా ఒక నిర్మాతగా వ్యవహరించనున్నాడని అంటున్నారు. త్వరలోనే కథానాయిక ఎంపిక ప్రక్రియను పూర్తిచేసి, మిగతా వివరాలను తెలియజేయనున్నారు