సుమంత్ సినిమా టీజర్ ను విడుదల చేయనున్న వైఎస్ జగన్

సుమంత్ హీరోగా విభిన్నమైన కథాంశంతో తెరకెక్కిన చిత్రం 'ఇదం జగత్'. తన కెరీర్ లో ఇంత వరకు పోషించనటువంటి వైవిధ్యభరితమైన పాత్రలో సుమంత్ ఈ చిత్రంలో కనిపించనున్నాడు. నెగెటివ్ షేడ్స్ ఉన్న పాత్రతో ప్రేక్షకుల ముందుకు రానున్నాడు. ఈ సినిమా టీజర్ ను రేపు వైసీపీ అధినేత జగన్ విడుదల చేయనున్నారు.

ఈ చిత్రంలో అంజు కురియన్ కథానాయికగా నటిస్తోంది. అనిల్ శ్రీకంఠం దర్శకత్వం వహించగా... జొన్నలగడ్డ పద్మావతి, గంగపట్నం శ్రీధర్ ఈ చిత్రాన్ని సంయుక్తంగా నిర్మించారు. శివాజీరాజా, ఛలో ఫేమ్ సత్య, ప్రియదర్శిని రామ్, ఆదిత్య మీనన్ లు కీలక పాత్రలు పోషించారు. ఇప్పటికే పోస్ట్ ప్రొడక్షన్ పనులను పూర్తి చేసుకున్న ఈ చిత్రం త్వరలోనే ప్రేక్షకుల ముందుకు రానుంది.