'కర్తవ్యం'లాంటి సినిమా చేయాలనుంది: నిహారిక

నిహారిక కథానాయికగా నటించిన 'హ్యాపీ వెడ్డింగ్' త్వరలోనే ప్రేక్షకుల ముందుకు రానుంది. ఈ నేపథ్యంలో తాజా ఇంటర్వ్యూలో మాట్లాడుతూ కొన్ని ఆసక్తికరమైన విషయాలను గురించి నిహారిక ప్రస్తావించింది. "కథను .. నా పాత్రను నమ్మి నేను ఈ సినిమా చేశాను. ఈ సినిమాలో నా తండ్రి పాత్రలో మురళీశర్మగారు నటించారు. ఆయన కాంబినేషన్లో సీన్ చేసినప్పుడల్లా నాకు మా నాన్నే గుర్తుకొచ్చేవాడు .. వెంటనే ఆయనకి ఫోన్ చేసేదాన్ని" అంది.

ఇంకా ఓ అయిదారు సంవత్సరాలకి మించి నేను సినిమాలు చేయకపోవచ్చు. ఈ లోగా 'కర్తవ్యం' లాంటి సినిమా చేయాలనుంది. ఇటీవలే ఈ విషయాన్ని పరుచూరిగారితో చెప్పాను .. ఆయన కథ రాస్తే చేయడానికి నేను సిద్ధంగానే వున్నాను. ఇక చిరంజీవి గారితో నటించాలనే కోరిక ఎప్పటి నుంచో ఉండేది .. అది 'సైరా' సినిమాతో నెరవేరుతున్నందుకు సంతోషంగా వుంది" అని చెప్పుకొచ్చింది.