మూగవానిగా నారా రోహిత్ .. ఆయన జోడీగా నివేదా థామస్

జయాపజయాల విషయాన్ని అటుంచితే, మొదటి నుంచి కూడా విభిన్నమైన పాత్రల్లో కనిపించడానికే నారా రోహిత్ ప్రాధాన్యతనిస్తూ వస్తున్నాడు. ఆయన తాజా చిత్రంగా 'శబ్దం' అనే సస్పెన్స్ థ్రిల్లర్ రూపొందుతోంది. ఈ సినిమా ద్వారా మంజునాథ్ దర్శకుడిగా పరిచయమవుతున్నాడు. ఈ సినిమాలో నారా రోహిత్ మూగవానిగా కనిపించనుండటం విశేషం.

నారా రోహిత్ జోడీగా నివేదా థామస్ ఓకే అయినట్టుగా సమాచారం. నివేదా థామస్ కి తెలుగులో మంచి క్రేజ్ వుంది. 'జై లవ కుశ ' సినిమా హిట్ అయినా ఆ తరువాత ఆమె కొత్త సినిమాలకి సైన్ చేయలేదు. తాను చేస్తోన్న కోర్సును పూర్తిచేయాలనే ఆమె కొంత గ్యాప్ తీసుకుందట. ఇప్పుడు మళ్లీ సినిమాలపై దృష్టి పెట్టిన ఆమె, నారా రోహిత్ సినిమాకి గ్రీన్ సిగ్నల్ ఇచ్చేసింది. ఏప్రిల్ నుంచి ఈ సినిమా రెగ్యులర్ షూటింగ్ మొదలుకానుంది.