'ల‌య‌న్' ఫేం దేవ్ ప‌టేల్‌ స‌ర‌స‌న రాధికా ఆప్టే!

బాలీవుడ్‌లో బోల్డ్ పాత్ర‌ల‌కు మారుపేరుగా చెప్పుకుంటున్న రాధికా ఆప్టే, త్వ‌ర‌లో ఆస్కార్ నామినేటెడ్ న‌టుడి స‌ర‌స‌న ఓ చిత్రంలో న‌టించ‌బోతోంది. 'స్ల‌మ్‌డాగ్ మిలియ‌నీర్' ద్వారా పేరు సంపాదించుకుని, 'ల‌య‌న్' చిత్రానికి ఉత్తమ స‌హాయ న‌టుడిగా ఆస్కార్‌ నామినేషన్ సంపాదించిన‌ దేవ్ ప‌టేల్‌తో ఆమె న‌టించ‌నుంది.

ఈ విష‌యాన్ని తనే స్వ‌యంగా వెల్ల‌డించింది. ఈ చిత్రానికి సంబంధించిన పూర్తి వివ‌రాల‌ను త్వ‌ర‌లో ప్రకటిస్తామని పేర్కొంది. మరోపక్క, ఇప్ప‌టికే రాధిక న‌టించిన 'ప్యాడ్ మ్యాన్' చిత్రం విడుద‌ల‌కు సిద్ధంగా వుండగా, సైఫ్ అలీ ఖాన్‌తో 'బ‌జార్‌' అనే చిత్రంలోనూ రాధిక న‌టిస్తోంది.