శర్వానంద్ కి కొత్తే .. ఆయన సరసన ఇద్దరు హీరోయిన్స్!

వైవిధ్యభరితమైన సినిమాలను చేస్తూ .. వరుస విజయాలను అందుకుంటూ శర్వానంద్ దూసుకుపోతున్నాడు. ప్రస్తుతం ఆయన సుధీరవర్మ దర్శకత్వంలో ఒక సినిమా చేయడానికి రెడీ అవుతున్నాడు. సితార ఎంటర్టైన్మెంట్స్ బ్యానర్ పై శర్వానంద్ చేయనున్న ఈ సినిమా మాఫియా నేపథ్యంలో తెరకెక్కనుంది. ఓ సామాన్య యువకుడు మాఫియా డాన్ గా ఎలా మారాడనే కథాంశంతో ఈ సినిమా కొనసాగుతుంది.

ఈ సినిమాలో యంగ్ లుక్ తోను .. మిడిల్ ఏజ్డ్ మాఫియా డాన్ గాను శర్వానంద్ కనిపించనున్నాడు. శర్వానంద్ ఇంతవరకూ ఇద్దరు హీరోయిన్స్ తో రొమాన్స్ చేసిన దాఖలాలు కనిపించవు. కానీ ఈ సినిమా కోసం ఆయన ఇద్దరు హీరోయిన్స్ తో రొమాన్స్ చేయనున్నాడు. ఇప్పటికే షాలినీ పాండేను ఒక కథానాయికగా తీసుకోగా .. మరో కథానాయికగా నివేదా థామస్ ను సంప్రదిస్తున్నారు. దాదాపు ఆమె ఖరారు కావొచ్చని అంటున్నారు. త్వరలోనే ఈ సినిమా సెట్స్ పైకి వెళ్లనుంది