తెలంగాణ నేపథ్యంలో శేఖర్ కమ్ముల మరో ప్రేమ కథ?

తెలంగాణ అమ్మాయి ప్రేమ కథాంశంతో శేఖర్ కమ్ముల తెరకెక్కించిన 'ఫిదా' చిత్రం, విడుదలైన ప్రతి చోట విజయవిహారం చేస్తూ భారీ వసూళ్లను సాధిస్తోంది. ఓవర్సీస్ లో ఈ సినిమాకి దక్కుతోన్న ప్రశంసలు అన్నీ ఇన్నీ కావు. ఈ నేపథ్యంలో ఈ తరహా కథను చేసి పెట్టమని శేఖర్ కమ్ములను చాలామంది నిర్మాతలు కోరుతున్నారట.

 దాంతో శేఖర్ కమ్ముల కొత్త కథను సిద్ధం చేసే పనిలో పడ్డాడని అంటున్నారు. అయితే ఇది 'ఫిదా'కి సీక్వెల్ కాదు .. ఆ ఛాయలు ఉంటాయట. గతంలో 'హ్యాపీడేస్' చేసిన శేఖర్ కమ్ముల .. ఆ వెంటనే 'లైఫ్ ఈజ్ బ్యూటిఫుల్' చేశాడు. ఈ కథ వేరైనా 'హ్యాపీడేస్' పోలికలు కనిపిస్తాయి. అలాగే 'ఫిదా' తరహాలో మరో సినిమాకి రంగాన్ని సిద్ధం చేసే పనిలో ఆయన వున్నాడని చెబుతున్నారు.