టీసీఎస్ కేసులో నిదా ఖాన్కు షాక్.. ముందస్తు బెయిల్ పిటిషన్ తిరస్కరణ
- ప్రాసిక్యూషన్ వాదనలతో ఏకీభవించిన కోర్టు
- బెయిల్ పిటిషన్ కొట్టివేస్తూ ఉత్తర్వులు
- నిదా ఖాన్పై లైంగిక వేధింపులు, బలవంతపు మతమార్పిడి ఆరోపణలు
- బెయిల్ తిరస్కరణతో నిదా ఖాన్ అరెస్ట్కు మార్గం సుగమం
ఈ కేసులో నిదా ఖాన్ పాత్ర అత్యంత కీలకమని, ఆమెను కస్టడీలోకి తీసుకుని విచారిస్తేనే మరిన్ని వాస్తవాలు వెలుగులోకి వస్తాయని ప్రత్యేక పబ్లిక్ ప్రాసిక్యూటర్ అజయ్ మిసార్ కోర్టుకు తెలిపారు. నిందితురాలికి సంబంధించిన డిజిటల్ ఆధారాలు, ఆర్థిక లావాదేవీలు, మలేషియా, మాలేగావ్తో ఉన్న సంబంధాలపై దర్యాప్తు చేయాల్సి ఉందని వాదించారు. ఈ వాదనలను పరిగణనలోకి తీసుకున్న అదనపు సెషన్స్ జడ్జి కేజీ జోషి, బెయిల్ పిటిషన్ను కొట్టివేస్తూ ఉత్తర్వులు జారీ చేశారు.
ఈ కేసులో మొత్తం ఎనిమిది మంది నిందితులు ఉండగా, ఇప్పటికే ఏడుగురిని పోలీసులు అరెస్ట్ చేశారు. నిదా ఖాన్ ఒక్కరే పరారీలో ఉన్నారు. సహోద్యోగినిని బలవంతంగా మతమార్పిడి చేసేందుకు ప్రయత్నించారని, ఆమెకు బురఖా, మతపరమైన పుస్తకాలు ఇచ్చి ఒత్తిడి చేశారని నిదా ఖాన్పై ప్రధాన ఆరోపణలు ఉన్నాయి.
కోర్టు తీర్పుతో నిదా ఖాన్ను అరెస్ట్ చేసేందుకు పోలీసులకు మార్గం సుగమమైంది. కాగా, సెషన్స్ కోర్టు తీర్పును సవాలు చేస్తూ నిదా ఖాన్ తరఫు న్యాయవాదులు బాంబే హైకోర్టును ఆశ్రయించే అవకాశం ఉంది. మరోవైపు, ఈ కేసులో అరెస్టయిన నలుగురు నిందితుల పోలీసు కస్టడీని మే 5 వరకు పొడిగిస్తూ మరో కోర్టు ఆదేశాలు ఇచ్చింది.
