అమరావతిలో జెన్ జీ పోస్టాఫీసు ప్రారంభించిన కేంద్ర సహాయమంత్రి పెమ్మసాని
- అమరావతి వీఐటీ-ఏపీలో 'జెన్ జెడ్' సబ్ పోస్టాఫీస్ ప్రారంభం
- కేంద్ర సహాయ మంత్రి పెమ్మసాని చంద్రశేఖర్ చేతుల మీదుగా ప్రారంభోత్సవం
- ఎన్ఐడీ సహకారంతో ప్రత్యేకంగా విద్యార్థుల కోసం రూపకల్పన
- క్యాంపస్లోని వేలాది మంది విద్యార్థులకు ఆధునిక సేవలు
- చుట్టుపక్కల 5 బ్రాంచ్ పోస్టాఫీసులకు కూడా అనుసంధానం
ఈ సందర్భంగా మంత్రి పెమ్మసాని మాట్లాడుతూ, నేషనల్ ఇన్స్టిట్యూట్ ఆఫ్ డిజైన్ (NID) సహకారంతో ప్రత్యేకంగా విద్యార్థులను దృష్టిలో ఉంచుకుని ఈ పోస్టాఫీస్ను రూపొందించినట్లు తెలిపారు. ఈ ఆధునిక సబ్ పోస్టాఫీస్ ద్వారా క్యాంపస్లోని వేలాది మంది విద్యార్థులకు వేగవంతమైన, సమగ్రమైన సేవలు అందుతాయని వివరించారు. కేవలం విద్యార్థులకే కాకుండా, దీని పరిధిలోని ఐదు బ్రాంచ్ పోస్టాఫీస్లకు కూడా ఇది సేవలు అందిస్తుందని పేర్కొన్నారు.
డిజిటల్ తరం అవసరాలకు అనుగుణంగా ఇండియా పోస్టును పునరావిష్కరించే ప్రయత్నంలో ఇది ఒక ముఖ్యమైన ముందడుగు అని ఆయన అభిప్రాయపడ్డారు. ఈ కార్యక్రమం ఇండియా పోస్టు నిబద్ధతను, ఆధునిక సేవలను ప్రతిబింబిస్తోందని పెమ్మసాని చంద్రశేఖర్ అన్నారు.
