యంగ్ లుక్ తో అదరగొడుతున్న చిరంజీవి... ఫొటోలు ఇవిగో! బెస్ట్ డిజైన్ రూపొందిస్తే బహుమతి
- మెగాస్టార్ చిరంజీవి ‘మన శంకర వరప్రసాద్ గారు’
- సినిమా నుంచి సరికొత్త హెచ్డీ స్టిల్స్ విడుదల
- జనవరి 12న ప్రపంచవ్యాప్తంగా గ్రాండ్ రిలీజ్
- అభిమానుల కోసం ప్రత్యేక డిజైన్ పోటీ ప్రకటన
- కీలక పాత్రలో విక్టరీ వెంకటేష్, దర్శకత్వం అనిల్ రావిపూడి
ఈ సినిమాను వచ్చే ఏడాది సంక్రాంతి కానుకగా జనవరి 12న ప్రపంచవ్యాప్తంగా థియేటర్లలో విడుదల చేయనున్నట్లు మేకర్స్ అధికారికంగా ప్రకటించారు. ఈ సందర్భంగా అభిమానులను ఉత్తేజపరుస్తూ ఓ ప్రత్యేక పోటీని కూడా ప్రారంభించారు. విడుదల చేసిన కొత్త స్టిల్స్తో క్రియేటివ్ డిజైన్లు రూపొందించాలని, వాటిలో ఉత్తమమైన వాటిని ఎంపిక చేసి ప్రత్యేక ‘MSG’ మర్చండైజ్ బహుమతిగా అందిస్తామని తెలిపారు.
షైన్ స్క్రీన్స్ పతాకంపై సాహు గారపాటి నిర్మిస్తున్న ఈ భారీ మల్టీస్టారర్ చిత్రంలో చిరంజీవికి జోడీగా నయనతార, కేథరిన్ త్రెసా నటిస్తున్నారు. ఇందులో విక్టరీ వెంకటేశ్ ఓ కీలక పాత్రలో కనిపించనున్నారు. భీమ్స్ సిసిరోలియో సంగీతం అందిస్తున్నారు. ఇద్దరు స్టార్ హీరోల కలయికలో వస్తున్న ఈ సినిమా సంక్రాంతికి ప్రేక్షకులకు మంచి వినోదాన్ని పంచుతుందని చిత్ర యూనిట్ ధీమా వ్యక్తం చేస్తోంది.
