ఆస‌క్తిక‌రంగా తేజ సజ్జ 'మిరాయ్‌' ట్రైలర్

టాలీవుడ్ యువ నటుడు తేజ సజ్జ నటిస్తున్న తాజా చిత్రం 'మిరాయ్‌'. యాక్షన్-అడ్వెంచర్ కథాంశంతో తెరకెక్కుతున్న ఈ సినిమా నుంచి మేకర్స్ తాజాగా ట్రైలర్‌ను విడుదల చేశారు. సినిమా విడుదలకు సమయం దగ్గర పడుతుండటంతో ప్రమోషన్ కార్యక్రమాలను వేగవంతం చేస్తూ మూవీ ట్రైలర్‌ను ఈ రోజు ప్రేక్షకుల ముందుకు తీసుకొచ్చారు.

ఈ చిత్రానికి కార్తీక్ ఘట్టమనేని దర్శకత్వం వహిస్తున్నారు. భారీ చిత్రాలకు కేరాఫ్‌గా నిలుస్తున్న పీపుల్ మీడియా ఫ్యాక్టరీ బ్యానర్‌పై టీ.జీ. విశ్వ ప్రసాద్, కృతి ప్రసాద్ ఈ సినిమాను నిర్మిస్తున్నారు. తేజ సజ్జ సరసన రితికా నాయక్ హీరోయిన్‌గా నటిస్తుండగా, ఈ సినిమాలో భారీ తారాగణం ప్రేక్షకులను ఆకట్టుకోనుంది. ముఖ్యంగా నటుడు మంచు మనోజ్ ఓ కీలక పాత్రలో కనిపించనున్నారు. వీరితో పాటు శ్రియ శరణ్, జగపతి బాబు, జయరామ్ వంటి ప్రముఖ నటీనటులు కూడా ఈ చిత్రంలో భాగమయ్యారు.

అన్ని కార్యక్రమాలు పూర్తి చేసుకున్న ఈ సినిమాను సెప్టెంబర్ 12న ప్రపంచవ్యాప్తంగా థియేటర్లలో విడుదల చేయనున్నట్లు చిత్రబృందం ఇప్పటికే ప్రకటించింది.