'పెద్ది' కోసం రామ్ చరణ్ మాస్ లుక్.. 'బీస్ట్ మోడ్ ఆన్' అంటూ ఫ్యాన్స్ కామెంట్స్
- రామ్ చరణ్, బుచ్చిబాబు సనా కాంబోలో 'పెద్ది'
- ఇందులో రగ్గుడ్ లుక్స్లో కనిపించనున్న చెర్రీ
- పెద్ది కోసం ఛేంజోవర్ ప్రారంభమైందంటూ మాస్ లుక్ పిక్ను షేర్ చేసిన చరణ్
కాగా, 'పెద్ది' సినిమా భారీ స్థాయిలో నిర్మాణం జరుపుకుంటోంది. వృద్ధి సినిమాస్ బ్యానర్పై నిర్మాత వెంకట సతీశ్ కిలారు.. ప్రముఖ నిర్మాణ సంస్థలు మైత్రి మూవీ మేకర్స్, సుకుమార్ రైటింగ్స్ తో కలిసి మూవీని నిర్మిస్తున్నారు. ప్రస్తుతం మూవీ చిత్రీకరణ దశలో ఉంది. ఇక, ఈ మూవీకి యాక్షన్ కొరియోగ్రఫీ నబకాంత్ మాస్టర్ అందిస్తున్నారు.
రామ్ చరణ్ సరసన హీరోయిన్గా జాన్వీ కపూర్ నటిస్తుండగా.. శివ రాజ్ కుమార్, జగపతి బాబు, దివ్యేందు శర్మ ఇతర కీలక పాత్రలు పోషిస్తున్నారు. ఆస్కార్ అవార్డు విజేత ఎ.ఆర్. రెహమాన్ సంగీతం అందిస్తున్నారు. ఈ సినిమా 2026 మార్చి 27న రామ్ చరణ్ పుట్టినరోజు సందర్భంగా విడుదల కానుంది. ఈ మేరకు ఇప్పటికే మేకర్స్ ప్రకటించారు.
