ఏఐ మాయ.. ఆశ్చర్యపరిచే వీడియో ఇదిగో!

అమూల్ యాడ్ లో కనిపించే చిన్నారి బొమ్మ, ఎయిర్ ఇండియా మస్కట్ మహారాజా, పార్లే-జి బిస్కట్ పాపాయి.. గతంలో ఎంతో ప్రాచుర్యం పొందిన ఈ బొమ్మలకు ప్రాణం పోస్తే ఎలా ఉంటుందనే ఆలోచనకు ఓ నెటిజన్ రూపమిచ్చాడు. కృత్రిమ మేధ సాయంతో ఆ బొమ్మలతో ఓ వీడియో రూపొందించాడు. ప్రస్తుతం ఈ వీడియో సోషల్ మీడియాలో వైరల్ గా మారింది. అమూల్ బేబీ చిప్స్ తినడం, నిర్మా గర్ల్ డ్యాన్స్ చేయడం ఈ వీడియోలో చూడవచ్చు. 

ఎయిర్ ఇండియా మహారాజా తన ప్రత్యేకమైన స్టైల్ లో చిరునవ్వు నవ్వడం నెటిజన్లను ఆకట్టుకుంటోంది. పార్లే-జి బిస్కెట్ పాప బిస్కెట్ల మధ్య కూర్చుని నవ్వుతుండడం ఆకట్టుకుంటోంది. తొంభైలలో విశేష ప్రాచుర్యం పొందిన ప్రకటనలకు సంబంధించిన ఈ బొమ్మలను చూసి తమ చిన్ననాటి జ్ఞాపకాలు గుర్తుకు వచ్చాయని నెటిజన్లు కామెంట్లు పెడుతున్నారు.