ప్రతి ఒక్కరినీ అడిగి మరీ కాఫీ సర్వ్ చేసిన సీఎం చంద్రబాబు... వీడియో ఇదిగో!

ముఖ్యమంత్రి చంద్రబాబు ఇవాళ ఎన్టీఆర్ జిల్లా నందిగామ నియోజకవర్గం ముప్పాళ్లలో పర్యటించారు. ఓ సాధారణ వ్యక్తి ఇంటికి వెళ్లిన చంద్రబాబు... ఆ కుటుంబంతో మమేకం అయ్యారు. అంతేకాదు, ఆ ఇంట్లోని ప్రతి ఒక్కరినీ అడిగి మరీ కాఫీ అందించారు. 

పిల్లలను కూడా పలకరించి... కాఫీ తాగుతారా, అలవాటు లేదా? అని అడిగారు. హోంమంత్రి అనితకు, కలెక్టర్ కు సైతం చంద్రబాబు కాఫీ అందించారు. ఈ సందర్భంగా తాను కూడా కప్పు అందుకుని, అందరితో కలిసి కాఫీ తాగుతూ ఆస్వాదించారు. మీ సమస్యలు ఏంటో ఇప్పుడు చెప్పండి అంటూ అడిగి తెలుసుకున్నారు.