బిచ్చగాడి పాత్రలో నటుడు ధనుష్!
- 'కుబేర' చిత్రంలో బిచ్చగాడుగా ధనుష్
- కన్ఫర్మ్ చేసిన శేఖర్ కమ్ముల
- 'కుబేర' లో కీలక పాత్రలో నాగార్జున
ఈ చిత్రంలో ధనుష్ బిచ్చగాడి పాత్రలో నటిస్తున్నాడని శేఖర్ కమ్ముల ఇటీవల ఒక మీడియా ఇంటర్వ్యూలో వెల్లడించారు. "మొదట్లో ఈ పాత్ర కోసం ధనుష్ను సంప్రదించడానికి కాస్త సందేహించాను. కానీ కథ చెప్పడానికి వెళ్ళినప్పుడు, ఆయన నా చిత్రాలకు, నా పని శైలికి పెద్ద అభిమానినని చెప్పారు. అంతేకాదు, కథను ఎంతో ఓపికగా విని వెంటనే అంగీకరించారు. ఆయన నిరాడంబరతను చూసి నాకు ఆశ్చర్యం కలిగింది" అని శేఖర్ కమ్ముల అన్నారు.
ప్రస్తుతం చిత్రీకరణ దశలో ఉన్న 'కుబేర' చిత్రాన్ని ఏషియన్ ఫిల్మ్స్ మరియు అమిగోస్ సంస్థలు సంయుక్తంగా నిర్మిస్తున్నాయి. గత రెండు సంవత్సరాలుగా చిత్రీకరణ జరుపుకుంటున్న ఈ చిత్రం విడుదల తేదీని నిర్మాతలు త్వరలోనే ప్రకటించనున్నారు.
