Subbaraju: పెళ్లి చేసుకున్న టాలీవుడ్ న‌టుడు సుబ్బ‌రాజు
- త‌న పెళ్లి విష‌యాన్ని సోష‌ల్ మీడియా ద్వారా తెలియ‌జేసిన సుబ్బ‌రాజు
- భార్య‌తో క‌లిసి బీచ్‌లో దిగిన ఫొటోను ఇన్‌స్టా వేదిక‌గా పంచుకున్న న‌టుడు
- కొత్త జంట‌కు సినీ ప్ర‌ముఖులు, అభిమానుల విషెస్
టాలీవుడ్ న‌టుడు పెనుమ‌త్స సుబ్బ‌రాజు పెళ్లి చేసుకున్నారు. ఈ విష‌యాన్ని ఆయ‌న సోష‌ల్ మీడియా వేదిక‌గా తెలియ‌జేశారు. త‌న భార్య‌తో క‌లిసి బీచ్‌లో దిగిన ఫొటోను ఇన్‌స్టా వేదిక‌గా ఆయ‌న అభిమానుల‌తో పంచుకున్నారు. ఫొటోలో సుబ్బ‌రాజు దంప‌తులు వ‌ధూవ‌రుల గెట‌ప్‌లో చాలా సింపుల్‌గా క‌నిపించారు.
ఇక సుబ్బ‌రాజు వివాహ బంధంలోకి అడుగుపెట్టిన‌ట్టు తెలియ‌డంతో సినిమా ఇండ‌స్ట్రీకి చెందిన ప్ర‌ముఖులు, ఇత‌ర రంగాల‌కు చెందిన వారితో పాటు అభిమానులు కొత్త జంట‌కు విషెస్ తెలియ‌జేస్తున్నారు. అయితే, సుబ్బ‌రాజు ప‌రిణ‌య‌మాడిన అమ్మాయి గురించి వివ‌రాలు తెలియ‌రాలేదు.
కాగా, సుబ్బ‌రాజు 50కి పైగా తెలుగు సినిమాల్లో న‌టించారు. అలాగే ప‌లు త‌మిళ, హిందీ, మ‌ల‌యాళ చిత్రాల్లో కూడా న‌టించారు. ఎక్కువ‌గా ప్ర‌తినాయ‌కుడి పాత్ర‌ల్లో క‌నిపించారు. అలాగే ప‌లు సినిమాల్లో కామెడీ పాత్ర‌ల్లోనూ న‌టించి మెప్పించారు.
భీమ‌వ‌రానికి చెందిన సుబ్బ‌రాజు ఖ‌డ్గం, ఆర్య, అమ్మానాన్న ఓ త‌మిళ అమ్మాయి, పోకిరి, లీడ‌ర్‌, బాహుబ‌లి2, బిజినెస్ మ్యాన్‌, వాల్తేరు వీర‌య్య త‌దిత‌ర సూప‌ర్‌హిట్ సినిమాల్లో న‌టించి మంచి గుర్తింపు తెచ్చుకున్నారు.
