రోహిత్ శర్మ, సూర్య వీరిద్దరిలో ఎవరి కెప్టెన్సీని ఇష్టపడతావు?.. జితేష్ శర్మ సమాధానం ఇదే
- సూర్యకుమార్ యాదవ్ కెప్టెన్సీలో ఆడడాన్ని ఎక్కువ ఇష్టపడతానన్న వర్ధమాన క్రికెటర్
- సూర్య భాయ్తో ఏదైనా స్వేచ్ఛగా మాట్లాడొచ్చని వెల్లడి
- ఒక జూనియర్గా రోహిత్ శర్మతో మాట్లాడడానికి భయపడతానన్న యువ ఆటగాడు
‘‘నేను ఒక జూనియర్గా రోహిత్ భాయ్కు కొంచెం భయపడతాను. సీనియర్లతో మాట్లాడేటప్పుడు ఈ భావన కలుగుతుంది. అది సహజమేనని నేను అనుకుంటున్నాను. ఇక శిఖర్ భాయ్ చాలా ఉల్లాసంగా, రిలాక్స్డ్గా, కూల్గా ఉంటాడు. వీరిద్దరి కంటే సూర్య భాయ్ కెప్టెన్సీలో ఆడడం నాకు చాలా సులభం. సూర్యతో ఏదైనా చాలా స్వేచ్ఛగా మాట్లాడవచ్చు. అందుకే అతడి కెప్టెన్సీలో ఆడడానికి ఇష్టపడతాను’’ అని జితేశ్ శర్మ చెప్పాడు.
ఓ జాతీయ మీడియా సంస్థతో మాట్లాడుతూ ఈ వ్యాఖ్యలు చేశాడు. ఇకఐపీఎల్లో తాను ప్రాతినిధ్యం వహిస్తున్న పంజాబ్ కింగ్స్ జట్టుకు అత్యంత కీలకమైన ఆటగాడిగా మారిపోయాడు. మిడిల్ ఆర్డర్లో అద్భుతమైన స్ట్రైక్ రేట్తో బ్యాటింగ్ చేస్తున్నాడు.
