Balakrishna: బాలకృష్ణ -బోయపాటి శ్రీను సినిమాకు ముహుర్తం కుదిరింది!
- దసరాకు ముహుర్తం
- యాక్షన్‌ అండ్‌ డివోషనల్‌ మేళవింపు
- బాలకృష్ణ కెరీర్‌లో అత్యధిక బడ్జెట్‌ చిత్రం
నందమూరి బాలకృష్ణ-బోయపాటి శ్రీనులది సూపర్‌హిట్‌ కాంబినేషన్‌. ఈ ఇద్దరి కలయికలో వచ్చిన లెజెండ్‌, సింహా, అఖండ ఈ మూడు చిత్రాలు బ్లాక్‌బస్టర్ చిత్రాలుగా నిలిచాయి. ఇక ఈ మాస్‌ ద్వయం నాలుగో ప్రాజెక్టుకు సిద్ధమవుతున్నారు. దసరా పర్వదినాన ఈ చిత్రం ప్రారంభం కానుందని తెలిసింది. యాక్షన్‌ అండ్‌ డివోషనల్‌ ఎలిమెంట్స్ మేళవింపుగా రూపొందనున్న ఈ చిత్రం బాలకృష్ణ కెరీర్‌లో అత్యధిక బడ్జెట్‌తో రూపొందనుందని సమాచారం. ఇద్దరు హీరోయిన్స్‌ ఈ చిత్రంలో బాలకృష్ణ సరసన నటించనున్నారు. బాలకృష్ణ అఖండ చిత్రానికి సంగీతం అందించి, ముఖ్యంగా ఆ చిత్రానికి తన బ్యాక్‌గ్రౌండ్‌ మ్యూజిక్‌తో అందరి మెస్మరైజ్‌ చేసిన ఎస్‌.ఎస్‌.తమన్‌ ఈ తాజా చిత్రానికి స్వరాలు అందిస్తున్నారు.
ఇంతకు ముందు బాలకృష్ణ-బోయపాటి శ్రీను కాంబినేషన్‌లో తెరకెక్కిన అఖండ చిత్రానికి ఇది కొనసాగింపుగా వుంటుందనే వార్త ప్రచారంలో వుంది. అయితే ఈ విషయాన్ని మేకర్స్‌ ప్రకటించలేదు. అయితే అఖండ చిత్రం తరహాలోనే ఇది కూడా యాక్షన్‌, డివోషనల్‌ అంశాలతో మాస్‌ ఎంటర్‌టైనర్‌గా వుంటుందని అంటున్నారు. ఈ చిత్రానికి టైటిల్‌ను కూడా ఇంకా ప్రకటించలేదు. అయితే సినిమా ప్రారంభోత్సవం రోజే టైటిల్‌తో పాటు అన్ని విషయాలు అధికారికంగా ప్రకటిస్తారని సమాచారం.
