రామ్ చరణ్ బర్త్ డే.. బ్లడ్ డొనేషన్ డ్రైవ్ ను ప్రారంభించనున్న దిల్ రాజు

'ఆర్ఆర్ఆర్' సినిమాతో గ్లోబల్ స్టార్ ఇమేజ్ ను సొంతం చేసుకున్న రామ్ చరణ్ పుట్టినరోజు దగ్గరపడుతోంది. ఈ నెల 27న చరణ్ పుట్టినరోజు జరుపుకుంటున్నాడు. మరోవైపు చరణ్ పుట్టినరోజును పురస్కరించుకుని బ్లడ్ డొనేషన్ డ్రైవ్ ను నిర్వహించబోతున్నారు. రేపు ఉదయం 10 గంటల నుంచి హైదరాబాద్ లోని చిరంజీవి బ్లడ్ బ్లాంక్ లో ఈ డ్రైవ్ కొనసాగుతుంది. ప్రముఖ సినీ నిర్మాత దిల్ రాజు చేతుల మీదుగా ఈ డ్రైవ్ ప్రారంభమవుతుంది. 

సినిమాల విషయానికి వస్తే... చరణ్ ప్రస్తుతం 'గేమ్ ఛేంజర్' సినిమాలో నటిస్తున్నాడు. ఈ చిత్రానికి ప్రముఖ దర్శకుడు శంకర్ దర్శకత్వం వహిస్తుండగా... దిల్ రాజు నిర్మాతగా వ్యవహరిస్తున్నారు. బాలీవుడ్ బ్యూటీ కియారా అద్వానీ, అంజలి హీరోయిన్లుగా నటిస్తున్నారు. దిల్ రాజు ప్రొడక్షన్ లో ఈ సినిమాను అత్యంత ప్రతిష్ఠాత్మకంగా తెరకెక్కిస్తున్నారు. ఈ సినిమాలో చెర్రీ లుక్ కు, టైటిల్  గ్లిమ్ప్స్ కు మంచి రెస్పాన్స్ వచ్చింది. మరోవైపు చరణ్ బర్త్ డే సందర్భంగా ఈ సినిమాకు సంబంధించి అప్డేట్ రాబోతోందని మేకర్స్ ప్రకటించారు.