Ilayaraja: ఇళయరాజా పాత్రలో ధనుష్ ఎలా ఉన్నాడో చూడండి!
![Dhanush still from Ilayaraja biopic](https://imgb.ap7am.com/thumbnail/cr-20240321tn65fc4ef3a0646.jpg)
- మ్యాస్ట్రో ఇళయరాజా జీవితకథ ఆధారంగా బయోపిక్
- ఇళయరాజా పాత్ర పోషిస్తున్న ప్రముఖ హీరో ధనుష్
- నిన్న చెన్నైలో లాంఛనంగా ప్రారంభమైన చిత్రం
ఇసైజ్ఞాని, మ్యాస్ట్రో ఇళయరాజా జీవితగాథ ఆధారంగా బయోపిక్ తెరకెక్కుతోంది. ఈ చిత్రం పేరు ఇళయరాజా. ఇందులో ఇళయరాజా పాత్రను ప్రముఖ హీరో ధనుష్ పోషిస్తున్నారు. తాజాగా ఆయన మేకోవర్ కు సంబంధించిన స్టిల్ విడుదలైంది. ధనుష్ దాదాపు ఇళయరాజాను తలపించేలా ఉన్నారు.
నిన్న చెన్నైలో ఈ చిత్రం లాంఛనంగా ప్రారంభమైంది. ఈ బయోపిక్ కు అరుణ్ మాదేశ్వరన్ దర్శకత్వం వహిస్తున్నారు. ఇటీవలే ధనుష్-అరుణ్ మాదేశ్వరన్ కాంబినేషన్ లో కెప్టెన్ మిల్లర్ వచ్చింది. ఈ జోడీ ఇళయరాజా బయోపిక్ కోసం మరోసారి కలిసింది. కనెక్ట్ మీడియా, పీకే ప్రైమ్ ప్రొడక్షన్, మెర్క్యురీ మూవీస్ బ్యానర్లపై ఈ చిత్రం తెరకెక్కుతోంది.
![](https://img.ap7am.com/froala-uploads/20240321fr65fc4eec3e08f.jpg)