Renu Desai: "పవన్ కల్యాణ్ సీఎం అవ్వాలని కోరుకుంటున్నారా?" అన్న ప్రశ్నకు రేణూ దేశాయ్ స్పందన
![Renu Desai answers the question whether she wants Pawan Kalyan to become CM](https://imgb.ap7am.com/thumbnail/cr-20231024tn6537dbd24bac0.jpg)
- ఓ ఇంటర్వ్యూలో రేణూ దేశాయ్ ఆసక్తికర వ్యాఖ్యలు
- ఎవరికి ఏది ఇవ్వాలో దేవుడు చూసుకుంటాడని వెల్లడి
- దేవుడు ఏం రాసిపెడితే అదే జరుగుతుందని స్పష్టీకరణ
ప్రముఖ నటి రేణూ దేశాయ్ నటించిన టైగర్ నాగేశ్వరరావు చిత్రం ప్రస్తుతం థియేటర్లలో ఆడుతోంది. రవితేజ ప్రధాన పాత్ర పోషించిన ఈ బయోపిక్ మూవీ ఇటీవలే రిలీజైంది. ఈ చిత్రంలో ప్రముఖ సంఘసంస్కర్త హేమలతా లవణం పాత్రను రేణూ దేశాయ్ పోషించారు.
తాజాగా ఓ ఇంటర్వ్యూలో రేణూ దేశాయ్ ఆసక్తికర వ్యాఖ్యలు చేశారు. పవన్ కల్యాణ్ సీఎం అవ్వాలని కోరుకుంటున్నారా? అన్న ప్రశ్నకు రేణూ స్పందించారు. ఎవరికి ఏది ఇవ్వాలో దేవుడికి తెలుసని, దేవుడు ఏం రాసిపెడితే అది జరుగుతుందని అన్నారు. ఈ విషయంలో అభిప్రాయం చెప్పడానికి నేనెవర్ని? అంటూ ప్రశ్నించారు.
ఈ అంశంలో తాను ఎటువైపూ మొగ్గు చూపడంలేదని, తాను తటస్థంగా ఉంటానని రేణూ దేశాయ్ స్పష్టం చేశారు. ఇటీవల కూడా తాను ఉన్న నిజాలే చెప్పానని, ఇవాళ కూడా అదే చెబుతున్నానని వ్యాఖ్యానించారు. ఆ వ్యక్తికి మద్దతుగా మాట్లాడడమో, ఈ వ్యక్తికి మద్దతుగా మాట్లాడడమో చేయనని, తనకు ఏమనిపించిందో అదే చెబుతానని వెల్లడించారు.