Rajanikanth: 3వ వారంలో దూసుకుపోతున్న 'జైలర్'
- ఈ నెల 10వ తేదీన విడుదలైన 'జైలర్'
- 11 రోజుల్లో 500 కోట్లకి పైగా గ్రాస్
- 3వ వారంలోను తగ్గని దూకుడు
- ఈ వారాంతం కూడా కలిసొచ్చినట్టే
రజనీకాంత్ - నెల్సన్ దిలీప్ కుమార్ కాంబినేషన్లో రూపొందిన 'జైలర్' ఈ నెల 10వ తేదీన భారీస్థాయిలో విడుదలైంది. సన్ పిక్చర్స్ వారు నిర్మించిన ఈ సినిమా, తమిళంలో కొత్త రికార్డులను నమోదు చేస్తూ దూసుకెళుతోంది. దిల్ రాజు - ఏసియన్ సునీల్ తెలుగు రాష్ట్రాల్లో విడుదల చేయగా, ఇక్కడ కూడా హిట్ టాక్ తెచ్చుకుంది.
తెలుగు రాష్ట్రాల్లో విడుదల తరువాత పెద్ద సంఖ్యలో థియేటర్లను పెంచడం జరిగిన సినిమాలలో 'జైలర్' ఒకటిగా నిలిచింది. 11 రోజుల్లోనే ప్రపంచవ్యాప్తంగా ఈ సినిమా 500 కోట్ల మార్కును క్రాస్ చేసింది. అత్యంత వేగంగా అత్యధిక వసూళ్లను సాధించిన రజనీ సినిమాలలో ఇది ఒకటిగా నిలిచింది.
3వ వారంలోకి ప్రవేశించిన ఈ సినిమా, సక్సెస్ ఫుల్ గా రన్ అవుతోంది. టాలీవుడ్ వరకూ చూసుకుంటే, ఈ వారం కూడా 'జైలర్'కి పెద్ద పోటీ లేనట్టే. ఆ స్థాయి సినిమాలేవీ బరిలో లేవు. అందువలన ఈ వారాంతంలో ఈ సినిమా మరిన్ని వసూళ్లను రాబట్టే అవకాశాలు ఉన్నాయి. మొత్తానికి 'జైలర్' రజనీ కెరియర్లో చెప్పుకోదగిన సినిమాల జాబితాలో చేరిపోయినట్టే.
