పగ, కోపానికి సమయం లేదు.. : విరాట్ కోహ్లీ
- ప్రముఖ అమెరికా నటుడు కెవిన్ హార్ట్ వీడియో షేర్ చేసిన కోహ్లీ
- తాను గతంలోనే ఉండిపోనంటూ అందులో సందేశం
- సానుకూల అభిప్రాయాలు ఉన్నవాడినన్న కెవిన్ హార్ట్
- లక్నో బౌలర్ నవీనుల్ హక్ పోస్ట్ కు స్పందన
దీనికి విరాట్ కోహ్లీ స్పందించాడు. కోహ్లీ మౌనంగా ఉండే స్వభావం కలిగిన వాడు కాదు. దీంతో నవీనుల్ హక్ నోరు మూయించే విధంగా సరైన పోస్ట్ తో అభిమానుల ముందుకు వచ్చాడు. ప్రముఖ అమెరికా హాస్యనటుడు కెవిన్ హార్ట్ కు చెందిన వీడియోని షేర్ చేశాడు. పగల గురించి అందులో కెవిన్ మాట్లాడడాన్ని గమనించొచ్చు. ప్రతికూలతల నుంచి ముందుకు సాగిపోవాలని అందులో అతడు సూచించాడు.
‘‘ఎంత మేర భావోద్వేగాలు, అభిప్రాయాలు ఉన్నాయన్నది ముఖ్యం కాదు. నీకు ఎంత బాధ కలిగిందన్నది కూడా కాదు. జీవితం ముందుకు సాగి పోవాల్సిందే. జీవితం ఎవరి కోసం ఆగిపోదు. నీవు అది అర్థం చేసుకొని ఆ ప్రక్రియలో భాగంగా ముందుకు సాగిపోకుండా, అక్కడే, అదే అంశాన్ని పట్టుకుని వేలాడితే అది జీవితాంతం బాధిస్తుంది. పగలు, ఆగ్రహాలు, ప్రతికూలతలు... వీటి కోసం నాకు సమయం లేదు. ఎందుకంటే నేను ఎన్నో సానుకూల అభిప్రాయాలతో ఉన్నవాడిని. నేను గతంలోనే ఉండిపోను’’ అని కెవిన్ హార్ట్ ఇచ్చిన సందేశాన్ని పరోక్షంగా నవీనుల్ హక్ కు కోహ్లీ తన పోస్ట్ ద్వారా చెప్పినట్టు అయింది. దీంతో అయినా హక్ మౌనంగా ఉండిపోతాడేమో చూడాలి.
