- లాభాల బాటలో దూసుకుపోతున్న 'విరూపాక్ష'
- 4 రోజుల్లోనే 50 కోట్ల క్లబ్ లోకి చేరిన సినిమా
- 11 రోజుల్లో 79.5 కోట్ల వసూళ్లు
- 100 కోట్ల దిశగా వెళుతున్న సినిమా
సాయితేజ్ తనకి ప్రమాదం జరగడానికి ముందు చేసిన కొన్ని సినిమాలు నిరాశపరిచాయి. 'చిత్రలహరి' తరువాత సాయితేజ్ కి సరైన హిట్ లేదు. ఆ తరువాత జరిగిన ప్రమాదం వలన, అనుకోకుండానే గ్యాప్ వచ్చేసింది. ఆ గ్యాప్ తరువాత ఆయన చేసిన సినిమానే 'విరూపాక్ష'. టైటిల్ తోనే ఆసక్తిని రేకెత్తించిన సినిమా ఇది.
అడవికి సమీపంలోని ఒక గ్రామంలో .. క్షుద్రశక్తుల నేపథ్యంలో ఈ కథ నడుస్తుంది. విడుదలైన అన్ని ప్రాంతాల్లో తొలి రోజునే సక్సెస్ టాక్ తెచ్చుకుంది. సాయితేజ్ కెరియర్లోనే భారీ ఓపెనింగ్స్ ను రాబట్టిన ఈ సినిమా, ఆ తరువాత కూడా అదే జోరును కొనసాగిస్తూ వెళుతోంది.
4 రోజుల్లో 50 కోట్ల మార్క్ ను టచ్ చేసిన ఈ సినిమా, 11వ రోజు నాటికి 79.5 కోట్ల గ్రాస్ ను వసూలు చేసింది. ఇక ఈ సినిమా 100 కోట్ల క్లబ్ లోకి ఎంటర్ కావడానికి ఎంతో దూరంలో లేదు. సాయితేజ్ కెరియర్లోనే 100 కోట్లను రాబట్టిన ఫస్టు సినిమాగా ఇది నిలిచిపోతుంది. సంయుక్త మీనన్ కథానాయికగా నటించిన ఈ సినిమాకి, అజనీశ్ లోక్ నాథ్ సంగీతాన్ని అందించాడు.
