Nani: 'దసరా' ఫస్టు డే వసూళ్లు ఎంతంటే ..!
- భారీ అంచనాల మధ్య విడుదలైన 'దసరా'
- తొలి ఆటతోనే దక్కిన సక్సెస్ టాక్
- 38 కోట్లకి పైగా ఫస్టు డే వసూళ్లు
- వీకెండ్ ముగిసే నాటికి 100 కోట్ల క్లబ్ లోకి చేరే ఛాన్స్
నాని హీరోగా దర్శకుడు శ్రీకాంత్ ఓదెలా 'దసరా' సినిమాను రూపొందించాడు. ఇంతవరకూ తాను కనిపించిన దానికి భిన్నంగా .. తనకి గల క్రేజ్ కి భిన్నంగా ఈ సినిమాలో నాని కనిపించాడు. కీర్తి సురేశ్ కథానాయికగా నటించిన ఈ సినిమాలో, దీక్షిత్ శెట్టి కీలకమైన పాత్రను పోషించాడు.
సుధాకర్ చెరుకూరి నిర్మించిన ఈ సినిమా, భారీ అంచనాల మధ్య నిన్ననే థియేటర్స్ కి వచ్చింది. తొలి ఆటతోనే ఈ సినిమా పాజిటివ్ టాక్ ను సొంతం చేసుకుంది. ప్రపంచవ్యాప్తంగా ఐదు భాషల్లో విడుదలైన ఈ సినిమా, నిన్న ఒక్క రోజులోనే 38 కోట్లకి పైగా వసూళ్లను రాబట్టింది.
ఈ విషయాన్ని తెలియజేస్తూ ఈ సినిమా టీమ్ అధికారిక పోస్టర్ ను రిలీజ్ చేసింది. నానీ ఇంట్రడక్షన్ .. ఇంటర్వెల్ బ్యాంగ్ .. క్లైమాక్స్ ఫైట్ ఈ సినిమా హైలైట్స్ లో కనిపిస్తాయి. దగ్గర్లో పెద్ద సినిమాలేం లేకపోవడం 'దసరా'కి మరింత కలిసొచ్చే అంశం. వీకెండ్ ముగిసే నాటికి ఈ సినిమా 100 కోట్ల క్లబ్ లోకి చేరిపోతుందేమో చూడాలి.
