Santosh Sobhan: ఓటీటీలో ఈ వారం తెలుగు సినిమాలు ఇవే!
![OTT Movies Releasing This Week](https://imgb.ap7am.com/thumbnail/cr-20230328tn64229cc73ade5.jpg)
- ఈ నెల 30వ తేదీన డిస్నీ ప్లస్ హాట్ స్టార్లో 'శ్రీదేవి శోభన్ బాబు'
- ఏప్రిల్ 1వ తేదీన నెట్ ఫ్లిక్స్ లో 'అమిగోస్'
- అదే రోజున 'ఆహా'కి సత్తిగాని రెండెకరాలు'
- ఏప్రిల్ 14న అమెజాన్ ప్రైమ్ లో 'కబ్జ' స్ట్రీమింగ్ అయ్యే ఛాన్స్
ఓటీటీ ఫ్లాట్ ఫామ్ పైకి ఈ వారంలో రావడానికి కొన్ని సినిమాలు రెడీ అవుతున్నాయి. ఆ జాబితాలో ముందుగా 'శ్రీదేవి శోభన్ బాబు' పలకరించనుంది. సంతోష్ శోభన్ - గౌరీ కిషన్ జంటగా నటించిన ఈ సినిమా ఫిబ్రవరి 18వ తేదీన థియేటర్లకు వచ్చింది. సుస్మిత కొణిదెల నిర్మాతగా .. ప్రశాంత్ కుమార్ దిమ్మల దర్శకత్వంలో వచ్చిన ఈ సినిమాకి, థియేటర్స్ నుంచి అంతగా ఆదరణ లభించలేదు. ఈ నెల 30వ తేదీన ఈ సినిమా 'డిస్నీ ప్లస్ హాట్ స్టార్' లో స్ట్రీమింగ్ కానుంది.
ఇక ఏప్రిల్ 1వ తేదీన 'అమిగోస్' సినిమా నెట్ ఫ్లిక్స్ ఫ్లాట్ ఫామ్ పైకి రానుంది. కల్యాణ్ రామ్ హీరోగా రాజేంద్ర రెడ్డి తెరకెక్కించిన ఈ సినిమా, ఫిబ్రవరి 10వ తేదీన విడుదలైంది. ఈ సినిమాతోనే ఆషిక రంగనాథ్ తెలుగు తెరకి కథానాయికగా పరిచయమైంది. కల్యాణ్ రామ్ త్రిపాత్రాభినయం చేసిన ఈ సినిమా, ఆశించిన స్థాయిలో ఆడియన్స్ కి కనెక్ట్ కాలేకపోయింది.
ఇక ఇదే రోజున 'సత్తిగాని రెండెకరాలు' 'ఆహా' లో స్ట్రీమింగ్ కానుంది. ముందుగా ఉగాదికి స్ట్రీమింగ్ చేయాలనుకున్నారు. కానీ ఆ తరువాత వాయిదా వేసుకున్నారు. మైత్రీ మూవీ మేకర్స్ వారు నిర్మించిన ఈ సినిమాలో, 'పుష్ప' జగదీశ్ ప్రధానమైన పాత్రను పోషించాడు. అభినవ్ రెడ్డి ఈ సినిమాకి దర్శకత్వం వహించాడు. ఇక ఏప్రిల్ 5వ తేదీన ఈటీవీ విన్ లో 'అసలు' .. 14వ తేదీన అమెజాన్ ప్రైమ్ లో 'కబ్జ' స్ట్రీమింగ్ అయ్యే అవకాశాలు కనిపిస్తున్నాయి.