ప్రేమ్ రక్షిత్ గ్రాఫ్ ను అమాంతంగా పెంచేసిన 'నాటు నాటు' సాంగ్!
- ఆస్కార్ వేదికపై 'ఆర్ ఆర్ ఆర్ ' సందడి
- 'నాటు నాటు' పాటకి దక్కిన గౌరవం
- సమష్టి కృషితోనే సాధ్యమైన సక్సెస్
- సంబరాలు జరుపుకుంటున్న ఫ్యాన్స్
ఈ కారణంగానే ఆయన రాజమౌళి నుంచి మరింత నమ్మకాన్ని సంపాదించుకున్నాడు. అందువల్లనే 'ఆర్ ఆర్ ఆర్' సినిమాలో అవకాశాన్ని అందుకున్నాడు. ఎన్టీఆర్ - చరణ్ ఇద్దరూ కూడా స్టెప్పులు అదరగొట్టేసేవారే. గతంలో ఈ ఇద్దరితోను ప్రేమ్ రక్షిత్ పనిచేయడం వలన, ఆ ఇద్దరూ కలిసి చేసే డాన్స్ ఎలా ఉండాలనే విషయంలో ఆయనకి ఒక క్లారిటీ ఉంది. అందువల్లనే ఈ పాటను ఆయన అద్భుతంగా కంపోజ్ చేయగలిగాడు. ఈ పాట ఆస్కార్ వేదికపై మెరవడంలో తనవంతు పాత్రను పోషించాడు.
నిజానికి 'ఆర్ ఆర్ ఆర్' సినిమాలోని 'నాటు నాటు' పాటను కంపోజ్ చేయడం చాలా కష్టమైన విషయం. ఆ పాటకు డాన్స్ చేయడానికి కూడా ఎంతో ఎనర్జీ అవసరమవుతుంది. ఆ పాట .. అదివచ్చే సందర్భం .. కష్టతరమైన స్టెప్స్ .. చంద్రబోస్ సాహిత్యం .. కీరవాణి సాహిత్యం .. రాహుల్ - కాలభైరవ గానం .. ఇలా అన్నీ కుదరడం వల్లనే ఈ రోజున ఈ పాట ఆస్కార్ వేదికపై రెపరెపలాడుతోంది. ఒక కొరియోగ్రాఫర్ గా ప్రేమ్ రక్షిత్ గ్రాఫ్ ను ఈ పాట అమాంతంగా పెంచేస్తుందని చెప్పచ్చు.
