Sania Mirza: సానియా వీడ్కోలు కార్యక్రమంలో కనిపించని షోయబ్.. పొరపొచ్చాలు నిజమేనంటున్న నెటిజన్లు!
![Shoaib Malik Misses Sania Mirza Farewell Party Netizens Questions](https://imgb.ap7am.com/thumbnail/cr-20230309tn6409610b5660a.jpg)
- ఈ నెల 5న ఎల్బీ స్టేడియంలో సానియా వీడ్కోలు కార్యక్రమం
- అదే రోజు రాత్రి విందు ఇచ్చిన టెన్నిస్ స్టార్
- ఈ రెండు కార్యక్రమాలకు హాజరు కాని షోయబ్
హైదరాబాదీ టెన్నిస్ స్టార్ సానియా మీర్జా, భర్త షోయబ్ మాలిక్ మధ్య పొరపొచ్చాలు నిజమేనా? వీరిద్దరి మధ్య భేదాభిప్రాయాలు పొడసూపాయని, ఇద్దరూ విడిపోతున్నారంటూ గత కొంతకాలంగా ప్రచారం జరుగుతోంది. అయితే, ఆ తర్వాత వీరిద్దరూ కలిసి కనిపించడంతో ఆ రూమర్లకు చెక్ పడింది. వారి మధ్య సఖ్యత లేదని, విడిపోవడం ఖాయమంటూ మళ్లీ వార్తలు చక్కర్లు కొడుతున్నాయి. దీనికి కారణం కూడా ఉంది.
సానియా మీర్జా వీడ్కోలు మ్యాచ్కు, విందుకు భర్త షోయబ్ మాలిక్ హాజరు కాకపోవడమే ఈ ఊహాగానాలు మళ్లీ తెరపైకి రావడానికి కారణం. ఈ నెల 5న ఎల్బీ స్టేడియంలో సానియా వీడ్కోలు కార్యక్రమం జరగ్గా, అదే రోజు రాత్రి సానియా విందు ఏర్పాటు చేసింది. ఈ రెండు కార్యక్రమాలకు కుటుంబ సభ్యులు, సినీ, క్రీడా, రాజకీయ ప్రముఖులు హాజరయ్యారు. అయితే షోయబ్ మాత్రం ఎక్కడా కనిపించలేదు. దీంతో వారిద్దరి మధ్య ఎడం పెరిగిందన్న వార్తలు నిజమేనన్న చర్చ మళ్లీ మొదలైంది.
![](https://img.ap7am.com/froala-uploads/20230309fr640960e717a57.jpg)