Pooja Hegde: వైభవంగా నటి పూజాహెగ్డే సోదరుడి వివాహం.. ఎప్పుడూ లేనంత సంతోషంగా ఉందంటూ పోస్ట్!
- శివానీ శెట్టిని వివాహం చేసుకున్న రిషభ్ హెగ్డే
- పెళ్లి వేడుక ప్రారంభమైనప్పటి నుంచీ సంతోషంగా ఉన్నానన్న నటి
- ఆనందబాష్పాలు రాల్చానంటూ ట్వీట్
టాలీవుడ్ ప్రముఖ నటి పూజాహెగ్డే సోదరుడు రిషభ్ హెగ్డే ఓ ఇంటివాడయ్యాడు. శివానీ శెట్టిని ఆయన వివాహం చేసుకున్నాడు. ఈ విషయాన్ని ఆమె అభిమానులతో షేర్ చేసుకున్నారు. పెళ్లి ఫొటోలను పంచుకున్నారు. తన సోదరుడి పెళ్లి వేడుక ప్రారంభమైనప్పటి నుంచి ఎప్పుడూ లేనంత సంతోషంగా ఉన్నానని ఆమె పేర్కొన్నారు. చిన్న పిల్లలా నవ్వేశానని, ఆనందబాష్పాలు రాల్చానని అన్నారు.
2012లో తమిళ సూపర్ హీరో సినిమా ‘ముగమూడి’లో నటించిన పూజ 2014లో ముకుంద సినిమా ద్వారా టాలీవుడ్‌లో ఎంట్రీ ఇచ్చారు. ఆ తర్వాత ‘ఒక లైలా కోసం’ సినిమాలో నటించారు. 2016 లో అశుతోష్ గోవారికర్ దర్శకత్వంలో వచ్చిన ‘మొహంజదారో’తో బాలీవుడ్‌లోనూ అడుగుపెట్టారు. తెలుగులో టాప్ హీరోలు అందరితోనూ దాదాపు నటించారు. 
