అందాల అనుపమకి ఈ ఏడాది కలిసొచ్చినట్టే!

టాలీవుడ్ కి కొత్త హీరోయిన్స్ ఎంతోమంది వస్తున్నారు. కృతి శెట్టి - శ్రీలీల వంటి బ్యూటీలు యంగ్ హీరోల జోడీగా ఛాన్సులు కొల్లగొట్టేస్తూ వెళుతున్నారు. ఈ నేపథ్యంలో ఆ వరుసలో ఉన్న మిగతా హీరోయిన్స్ ఇబ్బందులు పడుతూనే ఉన్నారు. ఇలాంటి పరిస్థితుల్లోనూ అనుపమ పరమేశ్వరన్ అవకాశాలను చేజిక్కించుకుంటోంది. యూత్ లో తనకున్న క్రేజ్ ను కాపాడుకుంటోంది.  

నిజానికి 'రాక్షసుడు' హిట్ తన ఖాతాలోకి రాకపోవడం .. ఆ తరువాత హిట్ అనేది పలకరించకపోవడం అనుపమ అభిమానులను నిరాశపరిచింది. 'రౌడీ బాయ్స్' ఫ్లాప్ తరువాత ఆమె కెరియర్ మరింత ప్రమాదంలో పడింది. ఈ నేపథ్యంలోనే ఆమెను 'కార్తికేయ 2' ఆదుకుంది. పాన్ ఇండియా స్థాయిలో ఆ సినిమా దూసుకుపోవడంతో అనుపమ గురించి అందరికీ తెలిసింది. 

మొత్తానికి ఈ ఏడాదిలో అనుపమ ఒక బ్లాక్ బస్టర్ హిట్ కొట్టిందని అనుకుంటే, ఈ నెల 23వ తేదీన '18 పేజెస్' కూడా థియేటర్ లకు వస్తోంది. గీతా ఆర్ట్స్ 2 బ్యానర్ .. సుకుమార్ రాసిన కథ .. ఈ ప్రాజెక్టుపై అంచనాలు పెంచుతున్నాయి. ఈ సినిమా కూడా హిట్ అయితే అనుపమ మరికొంతకాలం పాటు ఇక్కడ తన జోరును చూపించే అవకాశం కలుగుతుందని చెప్పచ్చు.