భార్య‌ను మై క్వీన్ అంటూ విడాకుల వార్త‌ను ఖండించిన బాలీవుడ్ స్టార్ హీరో

బాలీవుడ్‌లో అత్య‌ధిక ఫాలోయింగ్ ఉన్న దంపతుల్లో ర‌ణ్ వీర్ సింగ్‌, దీపికా పదుకొణె జంట ముందుంటుంది. చాన్నాళ్ల ప్రేమ త‌ర్వాత ఈ ఇద్ద‌రూ వివాహ బంధంతో ఒక్క‌ట‌య్యారు. పెళ్లి త‌ర్వాత కూడా కెరీర్ లో బిజీగా ఉన్నారు. న‌టులుగా ఇద్ద‌రూ మంచి స్పీడుతో దూసుకెళ్తున్నారు. అయితే, ఈ మ‌ధ్య ఈ ఇద్ద‌రి వివాహ బంధం గురించి కొన్ని పుకార్లు వ‌స్తున్నాయి. ఒక‌రంటే మ‌రొక‌రికి ప‌డ‌టం లేద‌ని, ఈ ఇద్ద‌రూ తొంద‌ర్లోనే విడాకులు తీసుకోబోతున్నార‌ని కొన్ని వారాలుగా బాలీవుడ్‌లో పుకార్లు వినిపిస్తున్నాయి. 

అయితే, సోష‌ల్ మీడియా వేదిక‌గా ఒక‌రిపై మ‌రొక‌రు తమ ప్రేమ‌ను చూపిస్తూ ఈ వార్త‌ల‌ను ర‌ణ్‌వీర్, దీపిక ఖండిస్తూనే ఉన్నారు. అయినా అవి అగ‌డం లేదు. తాజాగా ర‌ణ్ వీర్ ఈ పుకార్ల‌కు మ‌రోసారి పుల్‌స్టాప్ పెట్టే ప్ర‌య‌త్నం చేశాడు. త‌న భార్య దీపికను మై క్వీన్‌ అంటూ ఇన్‌స్టాగ్రామ్‌లో ఓ పోస్ట్ పెట్టాడు. దీపిక ఈ మ‌ధ్యే ఆభరణాలు, గడియారాలు త‌యారు చేసే ప్ర‌ముఖ బ్రాండ్ కార్టియ‌ర్‌కు బ్రాండ్ అంబాసిడర్‌గా ఎంపికైంది. ఈ విష‌యాన్ని కార్టియ‌ర్ ట్విట్ట‌ర్ ద్వారా పంచుకుంది. దీనిపై ర‌ణ్‌వీర్ స్పందించాడు. "మై క్వీన్! నాకు చాలా గర్వంగా ఉంది" అని కామెంట్ పెట్టాడు. దాంతో, ఈ జంట విడిపోతుంద‌న్న పుకార్ల‌కు మ‌రోసారి చెక్ పెట్టిన‌ట్ట‌యింది. ఇప్ప‌టికైనా అలాంటి వార్త‌లు ఆగుతాయో లేదో చూడాలి.