Junior NTR: ప్రశాంత్ నీల్ సినిమాలో పవర్ఫుల్ విలన్ గా ఎన్టీఆర్?
- ఎన్టీఆర్ 30వ సినిమాకి దర్శకుడిగా కొరటాల
- 31వ సినిమాను లైన్లో పెట్టిన ప్రశాంత్ నీల్
- ఈ సినిమాలో ఎన్టీఆర్ ద్విపాత్రాభినయం చేయనున్నాడంటూ టాక్
- ఇండస్ట్రీలో ఇప్పుడు ఇదే హాట్ టాపిక్
ఎన్టీఆర్ తన 30వ సినిమాకి సంబంధించిన పనుల్లో ఉన్నాడు. అందుకు సంబంధించిన సన్నాహాల్లో కొరటాల బిజీ. ఈ ప్రాజెక్టును ఎప్పుడు సెట్స్ పైకి తీసుకుని వెళ్లనున్నారనే విషయంలో ఇంకా క్లారిటీ రాలేదు. విజయదశమికి లాంఛనంగా మొదలుపెట్టొచ్చనే టాక్ ఉంది. అయితే ఆ తరువాత ఎన్టీఆర్ చేయనున్న సినిమాకి సంబంధించిన టాక్ వినిపిస్తూ ఉండటం విశేషం.
తన 30వ సినిమాను ఎన్టీఆర్ ప్రశాంత్ నీల్ తో చేయనున్నాడు. అందుకు సంబంధించిన అధికారిక ప్రకటన .. ఫస్టు పోస్టర్ కూడా బయటికి వచ్చాయి. ఈ సినిమాలో ఎన్టీఆర్ రోల్ ఎలా ఉండనుందని విషయంపై రకరకాల ఊహాగానాలు వినిపించాయి. తాజాగా మరో వార్త హల్ చల్ చేస్తోంది. ఈ సినిమాలో విలన్ గా ఎన్టీఆర్ చేయనున్నాడనేది ఆ వార్త సారాంశం.
ప్రశాంత్ నీల్ సినిమాలో ఎన్టీఆర్ హీరో మాత్రమే కాదు .. విలన్ కూడా అనే టాక్ బలంగా వినిపిస్తోంది. అంటే ఆయన ఈ సినిమాలో ద్విపాత్రాభినయం చేయనున్నాడన్న మాట. గతంలో 'జై లవ కుశ' సినిమాలో ఒక పాత్రలో నెగెటివ్ షేడ్స్ తో కనిపించిన ఎన్టీఆర్, ఈ సారి పూర్తి స్థాయిలో విలనిజాన్ని చూపించనున్నాడని అంటున్నారు. ఈ ప్రచారంపై మేకర్స్ ఏమంటారో చూడాలి మరి.
