నాలుగు రోజుల్లో 'కార్తికేయ 2' రాబట్టిన వసూళ్లు ఇవే!

నిఖిల్ హీరోగా చందూ మొండేటి దర్శకత్వంలో రూపొందిన 'కార్తికేయ 2' ఈ నెల 13వ తేదీన ప్రేక్షకుల ముందుకు వచ్చింది. కథాకథనాలకు కెమెరా పనితనం .. రీ రికార్డింగ్ మరింత బలాన్ని చేకూర్చడంతో ఈ సినిమా నెక్స్ట్ లెవెల్ కి వెళ్లింది. తెలుగు రాష్ట్రాలతో పాటు ఓవర్సీస్ లోను ఈ సినిమా మంచి వసూళ్లను రాబడుతోంది. 

ఈ సినిమా విడుదలైన తొలి నాలుగు రోజుల్లో ప్రపంచవ్యాప్తంగా 35.1 కోట్ల గ్రాస్ ను వసూలు చేసింది. తెలుగు రాష్ట్రాలతో పాటు హిందీలో కూడా ఈ సినిమా చాలా తక్కువ థియేటర్లలో మొదలైంది. మూడో రోజుకే ఈ సినిమా అక్కడ 700 థియేటర్స్ ను దక్కించుకోగలిగింది. ఇక్కడ కూడా థియేటర్ల సంఖ్య పెరుగుతూ వచ్చింది.

చాలా గ్యాప్ తరువాత తన నుంచి వచ్చిన ఈ సినిమా హిట్ కావడం పట్ల నిఖిల్ హ్యాపీగా ఉన్నాడు. ఇక ఈ మధ్య కాలంలో అనుపమ పరమేశ్వరన్ కి దక్కిన హిట్ కూడా ఇదే. అందువలన ఆమె కూడా ఖుషీగా ఉంది. తెలుగులో 25 వ తేదీవరకూ చెప్పుకోదగిన సినిమాలేవీ లైన్లో లేకపోవడం వలన, అప్పటివరకూ 'కార్తికేయ 2' జోరు కొనసాగే అవకాశాలు ఉన్నాయి.