'కార్తికేయ 2' నుంచి మరో ట్రైలర్ రెడీ!

నిఖిల్ - చందూ మొండేటి కాంబినేషన్లో గతంలో వచ్చిన 'కార్తికేయ' భారీ విజయాన్ని నమోదు చేసింది. సుబ్రహ్మణ్యస్వామి ఆలయ రహస్యం చుట్టూ ఆ కథ తిరిగింది. ఆ సినిమాకి సీక్వెల్ గా 'కార్తికేయ 2' సినిమాను రూపొందించారు. ద్వాపర యుగానికి సంబంధించిన ఒక రహస్యం చుట్టూ ఈ కథ నడవనుంది. 

అభిషేక్ అగర్వాల్  .. విశ్వప్రసాద్ కలిసి నిర్మించిన ఈ సినిమా నుంచి ఇంతకుముందు ఒక ట్రైలర్ ను వదిలారు. ఆ తరువాత విడుదల వాయిదా పడటం వలన గ్యాప్ వచ్చేసింది. ఇప్పుడు మరో ట్రైలర్ ను రిలీజ్ చేయనున్నట్టు నిఖిల్ చెప్పాడు. అతి త్వరలో మరో ట్రైలర్ పలకరించనుందనీ .. ఇది చాలా ఇంట్రెస్టింగ్ గా ఉంటుందని అన్నాడు.

కాలభైరవ ఈ సినిమాకి సంగీతాన్ని సమకూర్చాడు. ఈ సినిమాలో నిఖిల్ జోడీగా అనుపమ పరమేశ్వరన్ అలరించింది. కెరియర్ పరంగా కొంతకాలంగా వెనుకబడిపోయిన అనుపమ, ఈ సినిమాపైనే ఆశలుపెట్టుకుంది. ఆగస్టు 12వ తేదీన విడుదల కానున్న ఈ సినిమా, అంతకుమించి అన్నట్టుగా ఉంటుందేమో చూడాలి.