ఇంగ్లిష్ లో బొత్స ఇంటర్వ్యూ.. పాత వీడియో వైరల్ చేస్తూ, ట్రోల్ చేస్తున్న నెటిజన్లు!

ఏపీ మంత్రివర్గాన్ని ముఖ్యమంత్రి జగన్ పునర్వ్యవస్థీకరించారు. నిన్న ఉదయం ప్రమాణస్వీకారం చేసిన మంత్రులకు సాయంత్రానికల్లా శాఖలను కేటాయించారు. సీనియర్ నేత బొత్స సత్యనారాయణకు విద్యాశాఖను ఇచ్చారు. ఈ నేపథ్యంలో బొత్సకు సంబంధించి ఓ పాత వీడియోను నెటిజన్లు విపరీతంగా వైరల్ చేస్తూ, ఆయనను ట్రోల్ చేస్తున్నారు. 

ఈ వీడియో ఓ జాతీయ మీడియాకు ఇచ్చిన ఇంటర్వ్యూకి సంబంధించినదిగా తెలుస్తోంది. ఈ ఇంటర్వ్యూలో ఆయన ఇంగ్లిష్ లో మాట్లాడారు. 'మన విద్యాశాఖ మంత్రి పలుకులు' అంటూ నెటిజన్లు ఆయనను ట్రోల్ చేస్తున్నారు.