'ఆడవాళ్లు మీకు జోహార్లు' ప్రీ రిలీజ్ ఈవెంట్ .. ముఖ్య అతిథులు వీరే!

శర్వానంద్ - రష్మిక కాంబినేషన్లో దర్శకుడు కిశోర్ తిరుమల 'ఆడవాళ్లు మీకు జోహార్లు' సినిమాను రూపొందించాడు. సుధాకర్ చెరుకూరి నిర్మించిన ఈ సినిమాకి దేవిశ్రీ ప్రసాద్ సంగీతాన్ని సమకూర్చాడు. ఈ సినిమా నుంచి ఇంతవరకూ వదిలిన సాంగ్స్ కి మంచి రెస్పాన్స్ వచ్చింది. వచ్చేనెల 4వ తేదీన ఈ సినిమాను విడుదల చేయనున్నారు.

ఈ నేపథ్యంలో ఈ సినిమా ప్రీ రిలీజ్ ఈవెంట్ ను ఈ నెల 27వ తేదీన, హైదరాబాద్ .. శిల్పకళావేదికలో నిర్వహిస్తున్నారు. ఆ రోజున సాయంత్రం 6 గంటల నుంచి ఈ వేడుక మొదలవుతుంది. ముఖ్య అతిథులుగా దర్శకుడు సుకుమార్ .. స్టార్ హీరోయిన్స్ కీర్తి సురేశ్ - సాయిపల్లవి హాజరు కానున్నారు.

ఈ వేడుకపై కీర్తి సురేశ్ - సాయిపల్లవి ట్రైలర్ ను లాంచ్ చేయనున్నారు. ఈ విషయాన్ని తెలియజేస్తూ తాజాగా అధికారిక పోస్టర్ ను వదిలారు. రాధిక .. ఖుష్బూ .. ఊర్వశి వంటి సీనియర్ నటీమణులు ఈ సినిమాలో కనిపించనున్నారు. ఈ ఫ్యామిలీ ఎంటర్టైనర్ శర్వానంద్ కి హిట్ తెచ్చిపెడుతుందేమో చూడాలి.