nikhil: 'దేవుడిని ప్రార్థిస్తున్నాను'.. రష్యా-ఉక్రెయిన్ యుద్ధంపై టాలీవుడ్ హీరో నిఖిల్ వ్యాఖ్య‌లు
- 2022లోనూ ఇటువంటివి జ‌రుగుతున్నాయంటే న‌మ్మ‌క‌లేక‌పోతున్నాను
- ప్ర‌పంచంలోని నియంత‌లు యుద్ధాలు చేస్తున్నారు
- వారిలో ఇంతటి ధైర్యం వ‌చ్చింది
- ప్ర‌పంచంలోని అస‌మ‌ర్థ నాయ‌కులే కార‌ణమన్న నిఖిల్
అంత‌ర్జాతీయ అంశాల‌పై స్పందించ‌డంలో టాలీవుడ్ హీరో నిఖిల్ ముందుంటాడు. గ‌తంలో ఉత్త‌ర కొరియా చ‌ర్య‌లు, ప‌లుదేశాల మ‌ధ్య యుద్ధ ప‌రిస్థితుల‌పై 'అంద‌రం చ‌చ్చిపోతామేమో భ‌య్యా' అంటూ ఆయ‌న ట్వీట్లు చేసిన విష‌యం తెలిసిందే. ఈ రోజు రష్యా-ఉక్రెయిన్ యుద్ధంపై టాలీవుడ్ హీరో నిఖిల్ ట్వీట్ చేశాడు.
'2022లోనూ ఇటువంటివి జ‌రుగుతున్నాయంటే న‌మ్మ‌లేక‌పోతున్నా. ప్ర‌పంచంలోని నియంత‌లు యుద్ధాలు మొద‌లు పెట్ట‌డానికి, దురాక్ర‌మ‌ణ‌లు చేయ‌డానికి ప్ర‌పంచంలోని అస‌మ‌ర్థ నాయ‌కులే కార‌ణం. నియంతల్లో ఇంత ధైర్యం నిండ‌డానికి వారే కార‌ణం. ఆ యుద్ధంలో చిక్కుకుని బిక్కుబిక్కుమంటూ గ‌డుపుతోన్న అమాయ‌క ప్ర‌జ‌లు క్షేమంగా ఉండాల‌ని దేవుడిని ప్రార్థిస్తున్నాను' అని నిఖిల్ పేర్కొన్నాడు.
