Vishwak Sen: 'అశోక వనంలో అర్జున కల్యాణం' టీజర్ రిలీజ్!
- విష్వక్సేన్ హీరోగా ఫ్యామిలీ ఎంటర్టైనర్
- గ్రామీణ నేపథ్యంలో సాగే కథ
- కథానాయికగా రుక్సార్
- మార్చి 4వ తేదీన విడుదల
విష్వక్సేన్ మొదటి నుంచి కూడా యూత్ ను .. మాస్ ఆడియన్స్ ను అలరించే కథలను ఎంచుకుంటూ వచ్చాడు. రఫ్ లుక్ తో .. అదే తరహా బాడీ లాంగ్వేజ్ తో ఆకట్టుకున్నాడు. ఇక ఈ సారి ఫ్యామిలీ ఆడియన్స్ మద్దతును కూడగట్టే పనిలో పడ్డాడు. అందులో భాగంగానే ఆయన 'అశోకవనంలో అర్జున కల్యాణం' సినిమాను చేశాడు.
బీవీఎస్ ఎన్ ప్రసాద్ సమర్పిస్తున్న ఈ సినిమాకి విద్యాసాగర్ దర్శకత్వం వహించాడు. విష్వక్ సేన్ జోడీగా రుక్సార్ థిల్లోన్ కథానాయికగా సందడి చేయనుంది. జై క్రిష్ సంగీతాన్ని అందించిన ఈ సినిమాను మార్చి 4వ తేదీన విడుదల చేయనున్నారు. తాజాగా ఈ సినిమా నుంచి టీజర్ ను రిలీజ్ చేశారు.
కథానాయకుడు పెళ్లి విషయంలో చేయవలసిన ఆలస్యమంతా చేస్తాడు. ఆ తరువాత త్వరగా అమ్మాయిని సెట్ చేసుకోవాలని ఆత్రుతపడుతుంటాడు. ఈ నేపథ్యంలోనే గోదావరి జిల్లా అమ్మాయిని చూడటానికి అక్కడికి వెళతాడు. అక్కడ చోటుచేసుకునే సంఘటనల సమాహారమే ఈ సినిమా కథ అనే విషయం టీజర్ వలన అర్థమవుతోంది.
