Dhanush: రిస్క్ వద్దని చెప్పిన 'సార్' .. ఆగిన షూటింగ్?
![Sir movie shooting stopped due to Corona](https://imgb.ap7am.com/thumbnail/cr-20220108tn61d9206ebc2aa.jpg)
- ధనుశ్ హీరోగా 'సార్
- దర్శకుడిగా వెంకీ అట్లూరి
- ఇటీవలే మొదలైన షూటింగ్
- షూటింగ్ ఆపేశారనే టాక్
తమిళంలో వరుస సినిమాలతో ధనుశ్ బిజీగా ఉన్నాడు. అయినా నేరుగా ఒక తెలుగు సినిమా చేసే సమయం కోసం ఆయన ఎప్పటి నుంచో ఎదురుచూస్తున్నాడు. మొత్తానికి వెంకీ అట్లూరితో కలిసి ఒక ప్రాజెక్టును సెట్ చేసుకున్నాడు. సితార - ఫార్చ్యూన్ బ్యానర్లు ఈ సినిమాను నిర్మిస్తున్నాయి. ఇటీవలే ఈ సినిమా రెగ్యులర్ షూటింగు మొదలైంది.
కొన్ని రోజులుగా ఈ సినిమాకి సంబంధించిన ముఖ్యమైన సన్నివేశాలను హైదరాబాద్ లో చిత్రీకరిస్తున్నారు. అయితే కరోనా విరుచుకుపడుతుండటంతో పరిస్థితులు చకచకా మారిపోతున్నాయి. పూర్తిస్థాయి లాక్ డౌన్ పడే అవకాశాలు కూడా లేకపోలేదనే టాక్ వినిపిస్తోంది. ఈ నేపథ్యంలో రిస్క్ తీసుకోవడం మంచిది కాదనే అభిప్రాయానికి ధనుశ్ వచ్చాడట.
ఈ సినిమా మేకర్స్ కి తన అభిప్రాయం చెప్పాడనీ, వాళ్లు కూడా అదే నిర్ణయాన్ని వ్యక్తం చేయడంతో, ఈ రోజు నుంచి ఈ సినిమా షూటింగును ఆపేస్తున్నట్టుగా చెప్పుకుంటున్నారు. మళ్లీ సాధారణ పరిస్థితులు ఏర్పడిన తరువాత షూటింగు మొదలుపెడతారన్న మాట.