actress Janhvi Kapoor: తిరుమల శ్రీవారి సేవలో నటి శ్రీదేవి కుమార్తె జాన్వీ కపూర్
- వీఐపీ బ్రేక్ సమయంలో దర్శనం
- ఆమె వెంట మరొకరు
- అర్చకుల ఆశీర్వచనం
నటనా దిగ్గజం, దివంగత శ్రీదేవి కుమార్తె, వర్థమాన బాలీవుడ్ నటి అయిన జాన్వీ కపూర్ తిరుమల శ్రీ వేంకటేశ్వరస్వామి వారి సేవలో తరించారు. ఆదివారం ఉదయం వీఐపీ బ్రేక్ సమయంలో ఆమె స్వామి వారిని దర్శించుకున్నారు. ఈ సందర్భంగా ఆమెతో సెల్ఫీ దిగేందుకు కొందరు భక్తులు ఆసక్తి చూపించారు.
సంప్రదాయ చీరకట్టులో జాన్వీ కపూర్ కనిపించారు. ముఖానికి మాస్క్ ధరించి ఉన్నారు. దర్శనానంతరం అర్చకులు ఆమెకు ఆశీర్వచనం అందించారు. ఆమె వెంట మరొకరు కూడా ఉన్నారు. ఈ వీడియో సోషల్ మీడియాలో వైరల్ అయింది. నెటిజన్లు ఆసక్తికరమైన కామెంట్లతో ఆసక్తికరంగా మార్చేశారు.
