'అన్నాత్తే' టెక్నీషియన్లకు బంగారు గొలుసులు బహూకరించిన రజనీకాంత్... ఫొటోలు ఇవిగో!

దక్షిణాది సూపర్ స్టార్ రజనీకాంత్ నటించిన 'అన్నాత్తే' చిత్రం ఇటీవలే ప్రేక్షకుల ముందుకు వచ్చింది. తమిళంలో గణనీయమైన స్థాయిలో వసూళ్లు సాధించి రజనీ కెరీర్ లో మరో హిట్ గా నిలిచిపోయింది. శివ దర్శకత్వంలో తెరకెక్కిన ఈ చిత్రంలో రజనీ సరసన ఖుష్బూ, మీనా, కీర్తి సురేశ్, నయనతార తదితరులు నటించగా, ఈ చిత్రం తెలుగులో 'పెద్దన్న' పేరుతో ప్రేక్షకుల ముందుకు వచ్చింది.

కాగా, 'అన్నాత్తే' చిత్రానికి పనిచేసిన ప్రధాన సాంకేతిక నిపుణులకు రజనీకాంత్ బంగారు గొలుసులు బహూకరించారు. వారిని తన నివాసానికి ఆహ్వానించిన రజనీకాంత్... సముచిత రీతిలో సత్కరించారు. రజనీ అంతటివాడి నుంచి కానుకలు అందుకున్న ఆ టెక్నీషియన్ల ఆనందం అంతాఇంతా కాదు.