'భీమ్లా నాయక్' నుంచి రానా స్పెషల్ వీడియో!

పవన్ కల్యాణ్ - రానా కాంబినేషన్లో 'భీమ్లా నాయక్' సినిమా రెడీ అవుతోంది. సాగర్ కె చంద్ర దర్శకత్వం వహించిన ఈ సినిమా, మలయాళంలో భారీ విజయాన్ని అందుకున్న 'అయ్యప్పనుమ్ కోషియుమ్' సినిమాకి రీమేక్. ఇద్దరు వ్యక్తుల మధ్య ఇగో అనేది ఎలాంటి పరిణామాలకి దారితీస్తుందనేది కథ.

తాజాగా ఈ సినిమా నుంచి ఒక వీడియోను వదిలారు. ఈ రోజున రానా పుట్టినరోజు కావడంతో, ఆయనకి జన్మదిన శుభాకాంక్షలు తెలియజేస్తూ, ఈ స్పెషల్ వీడియోను రిలీజ్ చేశారు. ఆవేశంతో పవన్ పై రానా విరుచుకుపడే డైలాగ్ తో కూడిన వీడియోను వదిలారు. రానా పాత్ర ఎంత ఫోర్స్ గా ఉంటుందనేది ఈ వీడియో చూస్తే అర్థమైపోతుంది.

పవన్ సరసన నాయికగా నిత్యామీనన్ .. రానా జోడీగా సంయుక్త మీనన్ నటించిన ఈ సినిమాను సంక్రాంతికి రిలీజ్ చేయనున్నారు. కొత్త ఏడాదిలో వస్తున్న ఈ సినిమా కోసం అంతా కూడా ఎంతో ఆసక్తితో ఎదురుచూస్తున్నారు. ఇక డేనియల్ శేఖర్ పాత్రలో రానా ఏ స్థాయిలో విజృంభిస్తాడో చూడాలి.