నటుడు కైకాల సత్యనారాయణ కుటుంబ సభ్యులతో మాట్లాడిన ఏపీ సీఎం జగన్

టాలీవుడ్ సీనియర్ నటుడు కైకాల సత్యనారాయణ తీవ్ర అనారోగ్యం కారణంగా హైదరాబాదులో అపోలో ఆసుపత్రిలో చికిత్స పొందుతున్నారు. ఆయన ఇంకా ఐసీయూలోనే వెంటిలేటర్ పై చికిత్స పొందుతున్నట్టు తెలుస్తోంది.

ఈ నేపథ్యంలో ఏపీ సీఎం జగన్ నటుడు కైకాల కుటుంబ సభ్యులతో మాట్లాడారు. కైకాల ఆరోగ్య పరిస్థితిని, చికిత్స తీరుతెన్నులను అడిగి తెలుసుకున్నారు. కైకాల త్వరగా కోలుకోవాలని ఆకాంక్షించారు. కాగా, కైకాల ఆరోగ్యంపై వదంతులు రావడంతో ఆయన కుటుంబ సభ్యులు ఖండించడం తెలిసిందే.