మహేశ్ మేనల్లుడి 'హీరో' రిలీజ్ డేట్ ఖరారు!

మహేశ్ బాబు మేనల్లుడు అశోక్ గల్లా 'హీరో' అనే సినిమా చేశాడు. శ్రీరామ్ ఆదిత్య దర్శకత్వం వహించిన ఈ సినిమాలో, అశోక్ జోడీగా నిధి అగర్వాల్ నటించింది. గల్లా పద్మావతి నిర్మించిన ఈ సినిమా యాక్షన్ తో కూడిన రొమాంటిక్ లవ్ స్టోరీ. తాజాగా ఈ సినిమాకి రిలీజ్ డేట్ ఫిక్స్ చేశారు.

జనవరి 26వ తేదీన ఈ సినిమాను ప్రపంచవ్యాప్తంగా విడుదల చేయనున్నట్టు ప్రకటించారు. అందుకు సంబంధించిన అధికారిక పోస్టర్ ను విడుదల చేశారు. జనవరిలో ప్లాన్ చేసుకున్న కొన్ని పెద్ద సినిమాలు ఫిబ్రవరికి .. ఏప్రిల్ కి వెళ్లి పోయాయి. అలాంటిది 'హీరో' చాలా ధైర్యంగా ఈ డేట్ ను ఖరారు చేసుకున్నాడు.

ఇందుకు సంబంధించిన పోస్టర్ చూస్తుంటే, యాక్షన్ ఎపిసోడ్స్ ఒక రేంజ్ లో ఉండనున్నట్టు తెలుస్తోంది. జిబ్రాన్ సంగీతం ఈ సినిమాకి ప్రత్యేకమైన ఆకర్షణగా నిలుస్తుందని అంటున్నారు. జగపతిబాబు ఒక కీలకమైన పాత్రను పోషించగా, ఇతర ముఖ్యమైన పాత్రలలో నరేశ్ .. వెన్నెల కిషోర్ .. బ్రహ్మాజీ కనిపించనున్నారు.