Junior NTR: 'ఆర్ ఆర్ ఆర్' మూడో సాంగ్ కి ముహూర్తం కుదిరినట్టే!
- 'ఆర్ ఆర్ ఆర్' నుంచి పెరుగుతున్న అప్ డేట్లు
- రీసెంట్ గా వచ్చిన 'నాటు నాటు' సాంగ్
- 18వ తేదీన మూడో సాంగ్ రిలీజ్
- జనవరి 7వ తేదీన విడుదల
రాజమౌళి దర్శకత్వంలో 'ఆర్ ఆర్ ఆర్' సినిమా రూపొందింది. డీవీవీ దానయ్య భారీ బడ్జెట్ తో నిర్మించిన ఈ సినిమా, జనవరి 7వ తేదీన ప్రపంచవ్యాప్తంగా వివిధ భాషల్లో విడుదల కానుంది. ఎన్టీఆర్ - చరణ్ ప్రధానమైన పాత్రలను పోషించిన ఈ సినిమాపై ఒక రేంజ్ లో అంచనాలు ఉన్నాయి.
కీరవాణి ఈ సినిమాకి సంగీతాన్ని అందించారు. రీసెంట్ గా ఈ సినిమా నుంచి 'నాటు .. నాటు' అనే పాటను వదిలారు. చంద్రబోస్ సాహిత్యాన్ని అందించిన ఈ పాట, రికార్డు స్థాయిలో దూసుకుపోతోంది.
ఈ నేపథ్యంలో ఈ సినిమా నుంచి మూడో సాంగ్ ను వదలడానికి సన్నాహాలు జరుగుతున్నాయని అంటున్నారు. ఈ నెల 18వ తేదీన మూడవ సాంగ్ ను రిలీజ్ చేయాలనే ఉద్దేశంతో ఉన్నారని చెప్పుకుంటున్నారు. విడుదల సమయం దగ్గర పడుతూ ఉండటంతో ఇక వరుసగా ఒక్కో ఆయుధాన్ని వదులుతున్నారన్న మాట.
