విజయ్ దేవరకొండ సొంత మల్టీప్లెక్స్ ఎలా ఉందో చూశారా...?

టాలీవుడ్ హీరోలు మల్టీప్లెక్స్ సినిమా థియేటర్లు నిర్మించడం కొత్తేమీ కాదు. ఇప్పటికే మహేశ్ బాబు, ప్రభాస్ వంటి అగ్రహీరోలు సొంత మల్టీప్లెక్స్ లు కలిగి ఉన్నారు. తాజాగా యువ కథానాయకుడు విజయ్ దేవరకొండ కూడా ఈ జాబితాలో చేరారు. తన తల్లిదండ్రుల స్వస్థలం మహబూబ్ నగర్ లో విజయ్ దేవరకొండ మల్టీప్లెక్స్ నిర్మించారు. ఆసియన్ సినిమాస్ భాగస్వామ్యంతో ఈ థియేటర్ల సముదాయం నిర్మించారు. దీనికి ఆసియన్ విజయ్ దేవరకొండ సినిమాస్ (ఏవీడీ) అని నామకరణం చేశారు.

దీని వివరాలను విజయ్ దేవరకొండ ఓ వీడియో రూపంలో వెల్లడించారు. సినిమా నటుడ్ని అవ్వాలన్నది తన కల అని, అక్కడ్నించి ఇవాళ తాను ఓ మల్టీప్లెక్స్ కు యజమానిని అయ్యానని తెలిపారు. ఈ మల్టీప్లెక్స్ సెప్టెంబరు 24న ప్రారంభం కానుందని, శేఖర్ కమ్ముల దర్శకత్వంలో వచ్చిన లవ్ స్టోరీ చిత్రాన్ని తొలిగా ప్రదర్శిస్తామని విజయ్ దేవరకొండ వివరించారు.